विश्व खबर 
काठमाडौं उपत्यका स्थित स्थानीय तहहरूमा हालका दिनमा मेयरहरूले उपमेयरका अधिकारमा हस्तक्षेप गरेको र यसले प्रशासनिक असमझदारी र समस्याहरू सिर्जना गरेको आरोप लगाइएको छ। उपत्यका उपमेयर फोरमले मेयरहरूद्वारा उपमेयरका कार्यक्षेत्रमा अनावश्यक हस्तक्षेपको गम्भीर ध्यानाकर्षण गराएको छ।
फोरमका अनुसार, मेयरहरूले उपमेयरका सेवा सुविधामा कटौती गर्नेदेखि सरकारी ढुकुटीलाई एकपक्षीय रूपमा चलाउन थालेका छन्, जसका कारण स्थानीय तहका कामकाजमा गडबडी आएको हो। विशेषगरी, मेयरहरूको नीतिगत भ्रष्टाचार र उपमेयरहरूसँग मिलेमतोको आरोप पनि यस समस्यासँग जोडिएको छ।
आज बिहान ठिमी ब्यांक्वेट बसेको उपत्यका उपमेयर फोरमको बैठकमा मेयरहरूलाई सचेत गराउने निर्णय लिइएको हो। बैठकमा सहभागी एक उपमेयरका अनुसार, यस बैठकले मेयरहरूको कार्यशैलीका बारेमा स्पष्ट र कडा संदेश दिन आवश्यक रहेकोमा जोड दिएको छ।
उपत्यका उपमेयर फोरम, काठमाडौं उपत्यकाका महानगरपालिका, उपमहानगरपालिका र नगरपालिकाका उपप्रमुखहरूको साझा संस्था हो। यस फोरमले उपत्यकाका नगरपालिकाहरू बीच समन्वय र सहकार्यलाई प्रवर्द्धन गर्दै साझा समस्याहरूको समाधानमा ध्यान दिन्छ।
उपत्यकाका १८ वटा नगरपालिकाहरू यस फोरममा समावेश छन् र यसले उपत्यकाका विविध मुद्दामा केन्द्र सरकारसँग समन्वय गर्दै काम गरिरहेको छ। फोहोर व्यवस्थापन, शिक्षा र अन्य स्थानीय मुद्दाहरूमा सक्रिय रूपमा काम गर्दै आएका उपमेयरहरू यस फोरमको सक्रिय सदस्यका रूपमा योगदान गर्दै आएको छ।
