विश्व खबर 
काठमाडौं – क्रिस्टियानो रोनाल्डोले अन्तर्राष्ट्रिय फुटबलबाट सन्यास घोषणा गरेपछि खेलेको पहिलो खेलमै पोर्चुगल डेनमार्कसँग ४–१ गोल अन्तरले पराजित भएको छ । शनिबार भएको युरोपेली नेसन्स लिगको खेलमा डेनमार्कले पोर्चुगललाई फराकिलो अन्तरले हराएको हो ।
रोनाल्डोले गत साता मात्रै अन्तर्राष्ट्रिय फुटबलबाट सन्यासको घोषणा गरेका थिए । डेनमार्कविरुद्धको खेलअघि उनलाई सम्मान व्यक्त गर्दै पोर्चुगलका सबै खेलाडीले मैदान प्रवेश गर्दा रोनाल्डोको नाम र ७ नम्बर अंकित जर्सी लगाएका थिए ।
डेनमार्कको जितमा रासमुस होयलुन्डले दुई गोल गरे । रोनाल्डोको अनुपस्थितिमा मैदान उत्रिएको पोर्चुगलले भने अपेक्षित प्रदर्शन गर्न सकेन । यो हारले प्रतियोगितामा पोर्चुगलको अवस्था थप चुनौतीपूर्ण बनेको छ ।
युरोपेली नेसन्स लिगअन्तर्गत शनिबारकै अन्य खेलमा उत्तरी आयरल्यान्डले युक्रेनलाई १–० गोलले पराजित गर्दा अस्ट्रियाले पनि आयरल्यान्डलाई १–० ले हरायो । रोमानियाले पोल्यान्डलाई २–१ गोल अन्तरले पराजित गर्यो भने स्विडेनले बोस्निया एन्ड हर्जगोभिनालाई ३–२ ले हरायो ।
