विश्व खबर 
अमेरिकाको वासिङ्टन डीसीमा अमेरिकन एयरलाइन्सको विमान आकासमै हेलिकप्टरसँग ठोकिएको छ। यो जानकारी संघीय उड्डयन प्रशासनले दिएको हो।
बीबीसीका अनुसार यो विषयमा अनुसन्धान भइरहेको छ। दुर्घटना स्थानीय समयअनुसार राति ९ बजे रेगन वासिङ्टन राष्ट्रिय विमानस्थलनजिकै पोटोम्याक नदीमाथि भएको हो।
रेगन एयरपोर्टले एक्समा लेखेको छ- हालका लागि सबै उडान रोकिएका छन्।
वासिङ्टन डीसीको आपत्कालीन उद्धार टोली रेगन राष्ट्रिय विमानस्थलमा पुगेको छ। त्यहाँ एक दर्जन एम्बुलेन्स र दमकल देखिएका छन्।
डीसी फायर र ईएमएस विभागका अनुसार विमान डीसी हुँदै बग्ने पोटोम्याक नदीमा दुर्घटनाग्रस्त भएको थियो।
विभागले एक्समा लेखेको छ- नदीमा खोजी जारी छ।
प्रतिक्रिया दिनुहोस्
