विश्व खबर 
काठमाडौं- सरकारले घटाएको डिजेल र पेट्रोलको नयाँ मूल्य शनिबार मध्यरातिदेखि लागू हुने भएको छ । सरकारले पेट्रोलको २० र डिजेलको २८ रुपैयाँ मूल्य घटाउने घोषणा गरेको थियो । सो निर्णय मध्यराति १२ बजेदेखि लागू हुने भएको शनिबार अयोजित पत्रकार सम्मेलनमा उद्योग बाणिज्य तथा आपूर्ति मन्त्री दिलेन्द्र प्रसाद बडुले बताए।
सरकारको निर्णयसँगै पेट्रोलको मूल्य १७९ रुपैयाँ र डिजेलको १६४ कायम हुने भएको मन्त्री बडुले पत्रकार सम्मेलनमा जनकारी दिएका हुन् । हाल पेट्रोलको मूल्य १९९ रुपैयाँ रहेका छ । यस्तै डिजेलको मूल्य हाल १९२ रुपैयाँ रहेकामा अब २८ रुपैयाँ घटेर १६४ रुपैयाँ भएको हो। सरकारले पेट्रोलियम पदार्थमा लागू गर्दै आएको कर कटौती गरेर मूल्य घटाएको हो।
प्रतिक्रिया दिनुहोस्
