विश्व खबर 
काठमाडौं- तपाईंले घर वा भवन निर्माण सम्पन्न गरिसकेपछि महानगर वा नगरपालिकाबाट निर्माण सम्पन्न प्रमाणपत्र अनिवार्य लिनुपर्ने हुन्छ ।
जबसम्म तपाईंले नगरपालिकाबाट निर्माण सम्पन्न प्रमाणपत्र लिनुहुन्न तबसम्म तपाईंले आफ्नो घर धितोमा राखेर ऋण लिन पनि पाउनु हुन्न ।
सबै कागजात पुगेको नक्सा स्वीकृत हुन २५ देखि ३० दिनसम्म लाग्छ । यस्तै, निर्माण सम्पन्न प्रमाणपत्र प्रकृया सुरु भएको मितिले सातदेखि १० दिनसम्म पाइन्छ ।
काठमाडौं महानगरपालिकाको हकमा भवन निर्माण मापदण्ड, २०७५ र ललितपुर महानगरपालिकाको हकमा बस्ती विकास, शहरी योजना तथा भवन निर्माण सम्बन्धी आधारभूत निर्माण मापदण्ड २०७२ का आधारमा तयार पारिएको कार्यविधि अनुसार घर तथा भवन निर्माण सम्पन्न प्रमाणपत्र पाइन्छ ।
भवन निर्माण सम्पन्न प्रमाणपत्र लिनका लागि आवश्यक कागजात :
नक्शा पासको फोटोकपी – १ प्रति
पास पुर्जिको फोटोकपी – १ प्रति
डिजाइनरको सिफारिस पत्र – १ प्रति
डिजाइनरको ईजाजत पत्र – १ प्रति
निर्माण सम्पन्न प्रमाण पत्र – २ प्रति
मालपोत तिरेको रसिद फोटोकपी – १ प्रति
घरको फोटो – २ प्रति
व्यक्तिगत फोटो – २ प्रति (नक्शावाला र जग्गाधनी)
