images
images
  • छठ पर्वको विदामा पनि बैंकिङ सेवा दिँदै बैंकहरू

    काठमाडौं– छठ पर्वका लागि सरकारले थप एक दिन आकस्मिक विदा दिएपछि आज सार्वजनिक विदा रहेको छ ।

    छठ पर्वमा अघिल्लो दिन हिजो अस्ताउँदो सूर्यलाई अघ्र्य दिएका श्रद्धालुहरूले आज बिहान उदाउँदो सूर्यलाई अघ्र्य दिई व्रत समापन गरिसकेका छन् । तर, व्रत समापनपछि नियमित कार्यमा फर्किन समस्या हुने भएको विषयलाई दृष्टिगत गर्दै सरकारले आज सार्वजनिक विदा दिएको हो ।

    उक्त सार्वजनिक विदाका बावजुद पनि नेपालका बैंक तथा वित्तीय संस्थाहरूले आफ्नो सेवालाई निरन्तरता दिने भएका छन् ।

    बैंकहरूले आफ्नो मुख्य–मुख्य शाखा कार्यालयहरूलाई खुला गरेर बैंकिङ सेवा उपलब्ध गराउन लागेको जनाएका छन् । प्राय: सबै वाणिज्य तथा विकास बैंकहरूले छुट्टाछुट्टै सूचना जारी गरी आज खुला रहने शाखा कार्यालयहरूका बारेमा जानकारी सार्वजनिक गरेका छन् ।

    बैंकका ती सूचनाहरूलाई सम्बन्धित बैंक तथा वित्तीय संस्थाका आधिकारिका फेसबुक पेजमार्फत सहजरूपमा प्राप्त गर्न सकिनेछ ।

    यो पनि पढ्नुहोस्–

    बिदाको दिन पनि अन्तरबैंक भुक्तानी नरोकिने

    प्रतिक्रिया दिनुहोस्
    images
    images