विश्व खबर 
काठमाडौं– नेपाली कांग्रेसको वडा अधिवेशनबाट जेनजी उमेर समूहका युवाहरु क्षेत्रीय प्रतिनिधिमा छनोट भएका छन् ।
असोज ३ र ४ गते सम्पन्न अधिवेशनबाट विभिन्न पेसामा आबद्ध युवाहरु प्रतिनिधि बनेका हुन् ।
प्युठानको नौबहिनी गाउँपालिका–४ को वडा सभापतिमा जेनजी उमेर समूहका मिलन घर्तीमगर निर्वाचित भएका छन् ।
कालीकोटको सान्नी त्रिवेणी गाउँपालिका–१ बाट २२ वर्षीय इन्जिनियर राजेन्द्र जैसी क्षेत्रीय प्रतिनिधिमा सर्वसम्मत चयन भएका छन् ।
उनी जेनजी आन्दोलनमा समेत सक्रिय थिए ।
सोही वडाबाट १८ वर्षीया नर्स सुनिता सुवेदी पनि क्षेत्रीय प्रतिनिधि बनेकी छन् ।
नवलपुरको बुलिङटार–२ बाट १८ वर्षीया मोडेल बोलिना गरञ्जामगर र अछामको ढकारी–२ बाट २३ वर्षीया कल्पना रिमाल क्षेत्रीय प्रतिनिधिमा छनोट भएका छन् ।
निर्वाचन समितिका अनुसार हालसम्म ४३ जिल्लाका ६ हजार १३२ वडामा अधिवेशन सम्पन्न भएको छ ।
बाँकी वडामा अधिवेशन जारी छ ।
कांग्रेसको १५औँ महाधिवेशन असोज १६ देखि १९ गतेसम्म काठमाडौंमा हुँदैछ ।
