विश्व खबर 
काठमाडौं – नेपाल स्टक एक्सचेन्जले एभरेस्ट बैंकको सेयरमूल्य समायोजन गरेको छ । बैंकले लाभांश वितरण तथा वार्षिक साधारण सभा प्रयोजनका लागि बुक क्लोज गरेपछि नेप्सेले ५ प्रतिशत बोनस सेयरलाई आधार मानेर मूल्य समायोजन गरेको हो ।
समायोजनपछि बैंकको सेयरमूल्य प्रतिसेयर ६९२ रुपैयाँ ८६ पैसा कायम भएको छ। बुधबार बैंकको सेयर अन्तिम कारोबार प्रतिकित्ता ७२७ रुपैयाँ ५० पैसामा भएको थियो ।
समायोजित मूल्यलाई आधार मानेर बिहीबारदेखि बैंकको सेयर कारोबार खुल्नेछ ।
बैंकले असोज १४ गते काठमाडौँको भाटभटेनीस्थित आम्रपाली ब्यांक्वेटमा ३२औँ वार्षिक साधारण सभा बोलाएको छ। सभा बिहान १० बजे सुरु हुनेछ ।
सभाले हाल कायम चुक्ता पुँजीको ५ प्रतिशत बोनस सेयर र कर प्रयोजनसहित १० प्रतिशत नगद लाभांश वितरण गर्ने प्रस्ताव पारित गर्नेछ ।
त्यस्तै, बोनस सेयर वितरणपछि कायम हुने पुँजीअनुसार प्रबन्धपत्र तथा नियमावली संशोधन, लेखापरीक्षक नियुक्तिलगायतका प्रस्ताव पनि सभामा पेस हुनेछन् ।
