विश्व खबर 
काठमाडौं– डीआर कंगोमा इबोला भाइरसको प्रकोप तीव्र बन्दै गएको छ ।
सरकारी तथ्यांकअनुसार हालसम्म ३,२०० जना संक्रमित भएका छन् भने १,४०५ जनाको मृत्यु भइसकेको छ ।
मे १५ मा घोषणा गरिएको यो प्रकोप बन्डिबुग्यो प्रजातिको इबोला भाइरसका कारण फैलिएको हो ।
यस प्रजातिका लागि हालसम्म स्वीकृत खोप वा प्रभावकारी उपचार उपलब्ध छैन ।
पछिल्लो १० दिनमै करिब १,००० नयाँ संक्रमित थपिएका छन् ।
विश्व स्वास्थ्य संगठन (डब्लुएचओ)का अनुसार अधिकांश संक्रमित उत्तरपूर्वी इटुरी प्रान्तमा छन् ।
यसबीच, अक्सफोर्ड विश्वविद्यालयले बन्डिबुग्यो प्रजातिविरुद्ध विकास गरिएको प्रयोगात्मक खोपको पहिलो चरणको मानव परीक्षण सुरु गरेको जनाएको छ ।
प्रतिक्रिया दिनुहोस्
