विश्व खबर 
काठमाडौं– नेपाली कांग्रेसका संस्थापक नेता बिपी कोइरालाको ४४औँ स्मृति दिवसकै अवसरमा कांग्रेसभित्रको आन्तरिक विवाद विभाजनतर्फ उन्मुख भएको संकेत देखिएको छ ।
संस्थापन इतर समूहले छुट्टै कार्यक्रम गर्दै २९ साउनमा राष्ट्रिय भेला बोलाउने घोषणा गरेको छ ।
इतर समूहले सभापति गगन थापामाथि एकताको वातावरण नबनाएको आरोप लगाउँदै अब नयाँ राजनीतिक यात्रा तय गर्ने संकेत दिएको छ ।
केन्द्रीय कार्यसमिति समायोजन र पुरानै क्रियाशील सदस्यता कायम गर्ने माग अस्वीकार भएपछि सहमतिको सम्भावना समाप्त भएको उनीहरूको भनाइ छ ।
पूर्णबहादुर खड्का, डा। शेखर कोइराला, डा.शशांक कोइराला, कृष्ण सिटौला, प्रकाशशरण महत, विजय गच्छदारलगायत नेताहरूले पार्टी विभाजनको जिम्मेवारी सभापति थापाले लिनुपर्ने बताएका छन् ।
उनीहरूले २९ साउनको राष्ट्रिय भेलाले नयाँ कार्यदिशा तय गर्ने बताएका छन् ।
उता संस्थापन पक्षले भने विभाजनबारे औपचारिक प्रतिक्रिया दिएको छैन ।
सभापति गगन थापाले बिहीबार आयोजना गरिएको कार्यक्रममार्फत समसामयिक विषय र पार्टीको अवस्थाबारे धारणा सार्वजनिक गर्ने तयारी गरेका छन् ।
