विश्व खबर 
काठमाडौं– प्रधानमन्त्रीलाई व्यक्तिगत स्वार्थका लागि सन्देश पठाएको आरोपमा पक्राउ परेका सचिव कृष्णहरि पुष्करलाई प्रहरीले सोधपुछपछि छाडेको छ ।
प्रधानमन्त्री तथा मन्त्रिपरिषद् कार्यालयको निर्देशनमा बिहीबार कपनस्थित निवासबाट नियन्त्रणमा लिइएका उनलाई करिब ८ घण्टा सोधपुछपछि श्रीमतीको रोहबरमा रिहा गरिएको पारिवारिक स्रोतले जनाएको छ ।
उनीमाथि तत्काल मुद्दा चलाउने पर्याप्त आधार नदेखिएपछि छाडिएको बताइए पनि प्रहरीले औपचारिक जानकारी दिएको छैन ।
मुख्यसचिवको दौडमा रहेका पुष्करलाई आज बिहान ८ बजे पुनः उपस्थित हुने गरी छाडिएको स्रोतको भनाइ छ ।
प्रतिक्रिया दिनुहोस्
