विश्व खबर 
काठमाडौं– सरकारले अध्ययन बिदा वा असाधारण बिदामा गएर अवधि सकिएपछि कार्यालयमा हाजिर नभएका तथा लामो समयदेखि सम्पर्कविहीन रहेका निजामती कर्मचारीहरूको खोजी थालेको छ ।
संघीय मामिला तथा सामान्य प्रशासन मन्त्रालयले सूचना जारी गर्दै राष्ट्रिय किताबखाना (निजामती)मा अभिलेख अद्यावधिक नभएका कर्मचारीलाई तीन दिनभित्र विवरण अद्यावधिक गर्न निर्देशन दिएको छ ।
साथै विभिन्न मन्त्रालय र कार्यालयलाई पनि बिदामा रहेका कर्मचारीहरूको अवस्था यकिन गरी अभिलेख अद्यावधिक गर्न भनिएको छ ।
मन्त्रालयले बिदा समाप्तिपछि पनि हाजिर नभएका वा सम्पर्कमा नरहेका कर्मचारीमाथि प्रचलित कानुनअनुसार कारबाही प्रक्रिया अघि बढाइने जनाएको छ ।
उनीहरूले भने नियमति तलब पाइरहेका छन् ।
प्रतिक्रिया दिनुहोस्
