विश्व खबर 
काठमाडौं– संघीय मामिला तथा सामान्य प्रशासन मन्त्रालयले देशभरिका रिक्त १४५ स्थानीय तहमा प्रमुख प्रशासकीय अधिकृत खटाएको छ ।
नयाँ सरकार गठनसँगै गरिएको यस निर्णयपछि ७५३ वटै स्थानीय तहमा अब प्रमुख प्रशासकीय अधिकृतको पदपूर्ति भएको मन्त्रालयले जनाएको छ ।
मन्त्री प्रतिभा रावलका अनुसार यसअघि कर्मचारी अनिच्छुकता, जनप्रतिनिधिको प्रभाव र चुनावी अवधिमा सरुवा रोकिँदा धेरै पालिकामा पद रिक्त रहेको थियो ।
हाल उपमहानगर र नगरपालिकामा उपसचिव तथा केही ठूला उपमहानगरमा सहसचिव खटाइएका छन् भने गाउँपालिकामा अधिकृत स्तरका कर्मचारी पठाइएको छ।
मन्त्रालयले अब सरुवा र नियुक्तिमा ‘मेरिट प्रणाली’ लागू गरिने स्पष्ट पारेको छ, जसले विगतका अवरोध हटाउँदै स्थानीय तहको सेवा प्रवाह सुधार हुने अपेक्षा गरिएको छ ।
प्रतिक्रिया दिनुहोस्
