विश्व खबर 
काठमाडौं– संघीय मामिला तथा सामान्य प्रशासन मन्त्री प्रतिभा रावलले कर्मचारी सरुवालाई निष्पक्ष र पारदर्शी बनाउन लोक सेवा आयोगको वरियताक्रमलाई आधार मान्ने नयाँ अभ्यास सुरु गरेकी छन् ।
लामो समयदेखि सरुवा प्रक्रियामा देखिँदै आएको पहुँच, दबाब र पक्षपातका आरोप कम गर्न यो निर्णय लिइएको मन्त्रालय स्रोतले जनाएको छ ।
अब सरुवा गर्दा आयोगले सिफारिस गर्दा तय गरेको योग्यतामा आधारित वरियतालाई प्राथमिकता दिइनेछ ।
यस विधिबाट कर्मचारीबीच न्यायको अनुभूति बढ्ने, निर्णय प्रक्रिया स्पष्ट हुने र राजनीतिक हस्तक्षेप घट्ने अपेक्षा गरिएको छ ।
हालै उपसचिवहरूको पदस्थापनमा पनि यही मापदण्ड लागू गरिएको मन्त्रालयले जनाएको छ ।
मन्त्री रावलले यसअघि तयार सरुवा सूचीसमेत परिमार्जन गराउँदै निष्पक्ष आधारमा प्रक्रिया अघि बढाउन निर्देशन दिएकी थिइन् ।
जसलाई प्रशासन सुधारतर्फको सकारात्मक कदमका रूपमा हेरिएको छ ।
