विश्व खबर 
काठमाडौं– संघीय मामिला तथा सामान्य प्रशासनमन्त्री भगवती न्यौपाने आफ्नो प्रस्ताव पारित नहुने देखेपछि राष्ट्रिय सभाअन्तर्गत विधायन व्यवस्थापन समिति बैठक छोडेर बाहिरिएकी छन् ।
सिंहदरबारस्थित संसद् सचिवालयमा भएको बैठकमा निजामती सेवाको अवकाश उमेरबारे सहमति नजुटेपछि उनले बैठक त्यागेकी हुन् ।
मन्त्री न्यौपानेले मुख्यसचिवको अवकाश उमेर ५९ वर्षमै लागू गर्ने प्रस्ताव राखेकी थिइन् ।
उनको प्रस्तावलाई एमाले र कांग्रेसले समर्थन गरे पनि माओवादी केन्द्र र एकीकृत समाजवादीले अस्वीकार गरे ।
प्रतिनिधिसभाले भने ५८ वर्षदेखि सुरु गरी क्रमशः ५९ र ६० वर्षमा अवकाश उमेर लागू गर्ने प्रावधान पारित गरिसकेको छ ।
सोही निर्णय उल्ट्याउन नहुनेमा माओवादी र समाजवादी सांसद अडानमा छन् ।
प्रतिक्रिया दिनुहोस्
