images
images
  • चोङकिङमा माओवादी केन्द्र र सीपीसीका नेताबीच भेटवार्ता

    चोङकिङ (चीन), २९ चैत स् चीनको चोङकिङ भ्रमणमा रहेको नेकपा माओवादी केन्द्रको उच्चस्तरीय भ्रमण दलले चिनिया कम्युनिष्ट पार्टी (सीपीसी) को चोकिङ शहरका वरिष्ठ अधिकारीसँग भेटवार्ता गरेको छ।

    बिहीबार साँझ चोङकिङ शहरको पार्टी स्कुल विभागमा भएको भेटवार्तामा माओवादी केन्द्रका सचिव दीनानाथ शर्मा, केन्द्रीय सदस्य रामद्वीप आचार्य, लेखनाथ न्यौपानेलगायतका नेता सहभागी थिए।

    सचिव शर्माले माओवादी केन्द्र र सीसीपीबीच गहिरो सम्बन्ध रहेको बताए। इतिहासमा चिनिया विद्वानले नेपालमा बुद्ध जन्मेको विषय बाहिरी विश्वलाई जानकारी गराएर नेपालको महत्त्व बढाएको उनले चीनको प्रशंसा गरे।

    चोङकिङ नगरका पार्टी स्कुल विभागका प्रमुख लियु सियोउले चीनले नेपालसँगको सम्बन्धलाई ज्यादै महत्त्व दिएको र दुई देशबीचका जनतालाई पारस्पारिक लाभ हुनेगरी काम गर्न र सहकार्यका लागि सदैव तत्पर रहेको बताए।

    नेपाल चीनबीचको ७०औँ वर्षगाठको प्रसंग निकाल्दै नेता लियुले दुई देशबीच शिक्षा, व्यापार, संस्कृति र जनस्तरका क्षेत्रमा सम्बन्ध विस्तार गर्ने र व्यावहारिक सहकार्यलाई बलियो बनाउने धारणा राखे।

    भेटवार्तामा चीनको चिनिया कम्युनिष्ट पार्टी र माओवादी केन्द्रले वैचारिक विषयमा अनुभव आदानप्रदान र तालिम कार्यक्रमलाई थप व्यवस्थित तरिकाले सञ्चालन गर्न दुवै पक्ष सहमत भएका छन्।

    प्रतिक्रिया दिनुहोस्
    images
    images