काठमाडौँको गोकर्णेश्वर नगरपालिका–८ स्थित माकलबारीमा एक लाख रुपैयाँको लेनदेनको विवादमा एक जनाको हत्या भएको छ । १९ वर्षीय राहुल साहको हत्या भएको प्रहरीले जनाएको हो ।
वर्कसप सञ्चालक निप मण्डल र अन्य पाँच जनाले हत्या गरेको आरोपमा पक्राउ परेका छन् । साहले मण्डलसँग एक लाख १० हजार रुपैयाँ लिनुपर्ने थियो । तर मण्डलले पैसा दिन इन्कार गरेपछि उनीहरूको बिचमा विवाद भएको थियो ।
साहले पैसा नलिई नजाने अडान राख्दा वर्कसपका कामदार र बाहिरका व्यक्तिहरूले मिलेर हत्या गरेको प्रहरीको भनाइ छ ।
प्रतिक्रिया दिनुहोस्























