images
images
  • यौन व्यवसायलाई कानुनी मान्यता दिनुपर्छ भन्ने कांग्रेस प्रमुख सचेतक घिमिरेले मागे माफी 

    प्रतिनिधि सभा बैठकमा नेपालमा यौन व्यवसायलाई कानुनी मान्यता दिनुपर्छ भनेर धारणा राखेका नेपाली कांग्रेसका प्रमुख सचेतक श्यामकुमार घिमिरेले माफी मागेका छन् । बुधबारको प्रतिनिधि सभा बैठकमा बोल्दै उनले माफी मागेका हुन् ।

    आइतबार बसेको प्रतिनिधि सभाको बैठकमा विशेष समयमा बोल्दै प्रमुख सचेतक घिमिरेले नेपालमा यौन व्यवसायलाई कानुनी मान्यता दिनुपर्ने बताएका थिए । मनोरञ्जन क्षेत्रलाई पनि प्राथमिकता दिनसके अर्थतन्त्र पनि सहयोग पुग्ने उनको दाबी थियो । उनले उक्त धारणा पार्टी र संसदीय दलको नभई व्यक्तिगत धारणा भएको समेत बताए ।

    उनले भने, ‘चैत ३ गते सभाको विशेष समयमा राखेको धारणहरू मेरा व्यक्तिगत धारणाहरू हुन् । यो धारणा नेपाली कांग्रेस पार्टी र संसदीय दलको आधिकारिक धारणा पनि होइन । यी विचारहरूले सम्मानित सदनका सदस्यहरू र आम नागरिकमा नकारात्मक प्रभाव प्रभाव परेको भए उहाँको सम्मान गर्दै क्षमा याचना गर्दछु ।’

    प्रमुख सचेतक घिमिरेले आफ्नो विचारले सदनका सदस्यहरू र आम नागरिकमा समेत नकारात्मक प्रभाव परेको भन्दै क्षमायाचना गरेका हुन् ।

    प्रतिक्रिया दिनुहोस्
    images
    images