विश्व खबर 
काठमाडौं । पाकिस्तानको रावलपिण्डीमा भएको च्याम्पियन्स ट्रफीको खेलमा न्युजिल्यान्डले बंगलादेशलाई पराजित गरेको छ ।
बंगलादेशले दिएको २३७ रनको लक्ष्य न्युजिल्यान्डले ५ विकेट गुमाएर पुरा गरेको हो । न्यूजिल्यान्डका लागि रचिन रविन्द्रले ११२ रन बनाए ।
बंगलादेशका लागि कप्तान नजमुल हुसेन शान्तोनले ७७ रनको इनिङ खेले ।
योसँगै न्युजिल्यान्ड र भारत सेमिफाइनलमा पुगेका छन् । बंगलादेश र पाकिस्तान बाहिरिएका छन् ।
च्याम्पियन्स ट्रफीको समुह ‘ए’ मा परेका भारत र न्युजिल्यान्डले खेलेका दुवै खेल जितेका छन् ।
योसँगै बंगलादेश र पाकिस्तानले खेलेका दुवै खेलमा हार बेहोरेको छ ।
प्रतिक्रिया दिनुहोस्