संशोधित आर्थिक वृद्धि पनि हासिल हुन चुतौति : अर्थमन्त्री

काठमाडौं । अर्थमन्त्री विष्णुप्रसाद पौडेलले चालु आर्थिक वर्षमा संशोशित आर्थिक वृद्धिसमेत हासिल नहुने बताएका छन् । शुक्रबार आर्थिक सर्वेक्षण सार्वजनिक गर्दै मन्त्री पौडेलले ४.०१ प्रतिशतको आर्थिक बृद्धि समेत हासिल नहुने बताएका हुन् ।

सरकारले चालु वर्षमा ७ प्रतिशतको आर्थिक वृद्धि हासिल गर्ने लक्ष्य राखेको थियो । केन्द्रीय तथ्याङ्क विभागले भने ४.०१ प्रतिशत हुने संशोधित अनुमान गरेको थियो । तर, यो अनुमान पनि पुग्न चुनौतीपूर्ण रहेको अर्थमन्त्री पौडेलको भनाई छ ।

कोरोनाको दोस्रो लहरले अर्थतन्त्र खुम्चिएका कारण आर्थिक वृद्धिको लक्ष्य पुरा नहुने निष्कर्षमा अर्थमन्त्री पौडेल पुगेका छन् । उनले भने, ‘निषेधाज्ञाले ४.०१ प्रतिशत पुग्न पनि चुनौतीपूर्ण छ ।’

अर्थमन्त्री बन्नासाथ पौडेलले सामान्य खर्च १० र पुँजीगत खर्च झन्डै २० प्रतिशतले घटाएका थिए । उनले अघिल्ला अर्थमन्त्री युवराज खतिवडाले राखेका खर्च सीमा घटाएका थिए ।

प्रतिक्रिया दिनुहोस्