काठमाडौं । सभामुख अग्निप्रसाद सापकोटाले डाकेको पूर्वसभामुखहरुको बैठक नयाँ बानेश्वरमा सुरु भएको छ ।
सभमुख सापकोटाले प्रतिनिधिसभा विघटनपछिको अवस्था र सभामुखको भूमिकाका विषयमा छलफलका लागि बोलाएको बैठकमा पूर्वसभामुख तथा नेकपा ९एमाले०का नेता सुवास नेम्वाङबाहेकका पूर्वसभामुखहरु सहभागी छन् ।
पूर्वसभामुखहरु रामचन्द्र पौडेल, ओनसरी घर्ती र कृष्णबहादुर महरा सभामुखले डाकेको बैठकमा सशरीर उपस्थित भएका छन् भने पूर्वसभामुखद्वय दमननाथ ढुंगाना र तारानाथ रानाभाट भर्चुअल रुपमा बैठकमा सहभागिता जनाउँदै छन् ।
रानाभाट पोखरामा भएका कारण भर्चुअल्ली बैठकमा सहभागी हुन लागेका हुन् भने ढुंगाना कोरोनाका कारण हुने स्वास्थ्य जोखिमका कारण घरबाटै भर्चुअल्ली बैठकमा सहभागी हुन लागेका हुन् ।
पूर्वसभामुख नेम्वङले भने ढिला मात्र खबर आएको र खबर आउँदासम्म आफ्नो अर्कै सेड्युल बनिसकेकाले बैठक सहभागी नहुने बताएका छन्
“बैठकबारे ढिला गरी सूचना आयो, मेरो अर्कै कार्यसूची बनिसकेकाले बैठकमा सहभागी हुन नसक्ने जानकारी गराएको छु,” नेम्वाङले भने, “मैले अर्को दिन तपाईँसँग छुट्टै बसौँला भनेर सभामुखलाई बनेको छु ।”
प्रकाशित मिति २०७८ जेठ ११ गते मङ्गलबार ०८:०९
