विश्व खबर 
कोरोना जोखिम बढ्दै गएको भन्दै काठमाडौं उपत्यकामा शुक्रवार राति १२ बजेदेखि लागू हुने गरेर जोरबिजोर प्रणाली लागू गरिएको छ । यो प्रणालीअनुसार सार्वजनिक तथा निजी सवारीसाधन ९दुई पांग्रेसहित० जोर गते जोर र बिजोर गतेका दिन बिजोर नम्बरका सवारीसाधनहरू सञ्चालन गर्नुपर्ने छ ।
यद्यपि अत्यावश्यक सवारीसाधनको हकमा भने जोरबिजोर प्रणाली लागू हुनेछैन ।
जिल्ला प्रशासन कार्यालय काठमाडौंका अनुसार स्वास्थ्य सामग्री बोकेका गाडी, एम्बुलेन्स, दमकल, शववाहन, ग्यास–पेट्रोलका गाडी, खाद्यान्न दुग्धजन्य, फलफूल, पानीलगायत कृषि तथा पशुजन्य सामग्री बोक्ने सवारीसाधनहरू (चालक र सहचालक मात्र), निर्माण सामग्री बोक्ने सवारीसाधन ९चालक र सहचालक मात्र० लाई जोरबिजोर लागू हुने छैन ।
त्यस्तै परिचयपत्रको आधारमा सरकारी कर्मचारी, चिकित्सवक, स्वास्थ्यकर्मी, सुरक्षाकर्मी र सार्वजनिक संस्थाका कर्मचारीले प्रयोग गर्ने सवारीसाधन, बैंकरबीमारबित्तीय संस्थारवायुसेवा कम्पनी र डाँक तथा कुरियर सेवारदूरसञ्चार सेवा प्रदायक निकाय कर्मचारीले प्रयोग गर्ने सवारीसाधनलाई पनि जोरबिजोर लागू हुने छैन ।
पत्रकारहरूको हकमा सूचना विभागबाट जारी प्रेस पास वा पत्रकार परिचयपत्रका आधारमा सवारीसाधन सञ्चालन गर्न पाइनेछ भने सरकारी सवारी साधन र कूटनीतिक नियोगका सवारीसाधनलाई पनि जोरबिजोर लागू नहुने जिल्ला प्रशासन कार्यालय काठमाडौंले जनाएको छ ।
