विश्व खबर 
काठमाडौं– बुधबार बिहान अन्तर्राष्ट्रिय बजारमा कच्चा तेलको मूल्य बढेको छ । अमेरिकी मध्यावधि निर्वाचनमा राष्ट्रपति डोनाल्ड ट्रम्पको दल रिपब्लिकन पार्टीको पराजयसँगै बुधबार कच्चा तेलको मूल्यवृद्धि भएको हो ।
अमेरिकी मध्यावधि निर्वाचनमा डेमोक्रेटिक पार्टीले सिनेट र प्रतिनिधिसभा गरी दुवै सदनमा बहुमत हासिल गरेपछि इरानसँगको युद्धबारे अमेरिकी सरकारको आगामी कदमप्रति लगानीकर्ताले चासो देखाएका छन् । जसले गर्दा तेल बजारमा उतारचढाव देखिएको हो।
बुधबार बिहानसम्म ब्रेन्ट क्रुडको मूल्य प्रतिब्यारेल ८२ सेन्ट अर्थात् ०.८ प्रतिशतले बढेर १०४.४२ अमेरिकी डलर पुगेको छ ।
त्यस्तै अमेरिकी वेस्ट टेक्सास इन्टरमिडिएट (डब्ल्यूटीआई) क्रुडको मूल्य ५० सेन्ट अर्थात् ०.५ प्रतिशतले बढेर प्रतिब्यारेल ९६.५९ डलर कायम भएको छ । यसअघि घटेको मूल्य पुनः उकालो लागेको छ ।
यसअघि मंगलबारको कारोबारमा ब्रेन्ट क्रुडको मूल्य झन्डै चार सातायताकै न्यून विन्दुमा पुगेर बन्द भएको थियो । युक्रेन र इरानमा जारी युद्ध अन्त्य गर्ने उद्देश्यले भइरहेका वार्ताबारे बजारका लगानीकर्ताले आकलन गरिरहेका बेला तेलको मूल्यमा गिरावट आएको थियो ।
