विश्व खबर 
काठमाडौं । नेपाली कांग्रेसको सभापतिमा गगनकुमार थापा विजयी भएका छन् । १५औँ महाधिवेशनअन्तर्गत भएको निर्वाचनमा थापा ६ हजार ५८४ मत प्राप्त गर्दै सभापतिमा विजयी भएका हुन् ।आज बिहान पौने ५ बजे उनी निर्वाचित भएको घोषणा गरिएको हो ।
उनीसंग प्रतिस्पर्धा गरेको सभापति पदका अर्का उम्मेदवार श्यामकृष्ण खड्गीले ३७५ मत प्राप्त गरेका छन् । कुल ७ हजार १३ मत खसेको निर्वाचनमा ५४ मत बदर भएको छ ।
कुल खसेको मतका आधारमा थापाले ९३.८८ प्रतिशत मत प्राप्त गरेका छन् । खड्गीले ५.३५ प्रतिशत मत पाउँदा ०.७७ प्रतिशत मत बदर भएको छ । थापाले खड्गीभन्दा ६ हजार २०९ मत बढी प्राप्त गरेका छन् ।
अन्य पदका लागि भएको निर्वाचनको मतगणना भने आज दिउँसोबाट मात्र सुरु हुने निर्वाचन समितिले जनाएको छ।
प्रतिक्रिया दिनुहोस्
