विश्व खबर 
काठमाडौं– प्रधानमन्त्री बालेन्द्र शाहको सल्लाहकार तथा स्वकीय सचिवालयमा २५ जना पदाधिकारी तथा कर्मचारी कार्यरत रहेको विवरण सार्वजनिक भएको छ ।
प्रधानमन्त्री तथा मन्त्रिपरिषद्को कार्यालयका अनुसार कुमार ब्यञ्जनकार र असिम शाहलाई मन्त्रीसरह सुविधा दिइएको छ ।
अवैतनिक स्वास्थ्य सल्लाहकार प्राडा. जगदिशप्रसाद अग्रवाललाई पनि मन्त्रीसरहको सुविधा दिइएको छ ।
त्यस्तै नीति, प्रशासन तथा सुशासन सल्लाहकार सुदिप ढकाल र सूचना तथा सञ्चार प्रविधि सल्लाहकार विवेक मिश्रलाई राज्यमन्त्रीसरहको सुविधा दिइएको छ ।
सचिवालयमा प्रमुख स्वकीय सचिवका रूपमा सुवाष शर्मा तथा स्वकीय सचिवमा नविन भण्डारी छन् ।
सहसचिवसरहका जिम्मेवारीमा सञ्जिव पाण्डे, दिपा दाहाल, सन्तोष गिरी र विश्व राई छन् ।
उपसचिवसरह प्रकृति ढकाल, विशाल अधिकारी र विनय शाक्य तथा सहायक विज्ञका रूपमा सुमन गौतम र रवि किरण अधिकारी रहेका छन् ।
बाँकी कर्मचारी प्रेस, अनुसन्धान, ग्राफिक्स, प्रशासन तथा भिडियोसम्बन्धी जिम्मेवारीमा छन् ।
