विश्व खबर 
न्युयोर्क– संयुक्त राष्ट्रसंघको ८१औँ महासभाअन्तर्गत उच्चस्तरीय छलफल मंगलबारदेखि सुरू भएको छ ।
उद्घाटन कार्यक्रममा नेपालबाट परराष्ट्रमन्त्री शिशिर खनाल सहभागी भएका छन् ।
प्रधानमन्त्री बालेन्द्र साहले नेपाली प्रतिनिधिमण्डलको नेतृत्व गर्दै महासभामा सहभागिता जनाउँदै छन् । उनले आगामी सेप्टेम्बर २४ अर्थात् भोलि महासभाको सामान्य छलफललाई सम्बोधन गर्ने कार्यक्रम रहेको छ ।
यस वर्षको महासभाको मुख्य विषय ‘विश्वास पुनर्स्थापना, परिवर्तनको व्यवस्थापन : सबैका लागि परिणाम दिने संयुक्त राष्ट्रसंघ’ रहेको छ । उक्त विषयले संयुक्त राष्ट्रसंघको बडापत्र तथा अन्तर्राष्ट्रिय कानुनका सिद्धान्तप्रति नेपालको निरन्तर विश्वास र विश्व शान्ति, मानव मर्यादा तथा दिगो विकास प्रवर्द्धनप्रतिको प्रतिबद्धतालाई समेटेको छ ।
नेपालले कसैलाई पनि पछाडि नछोड्ने भावनासहित विश्व शान्ति, मानव मर्यादा र दिगो विकासका लागि आफ्नो प्रतिबद्धता अघि बढाउँदै आएको जनाएको छ ।
राष्ट्रसंघमा अमेरिकी राष्ट्रपति ट्रम्पको कडा सम्बोधन : इरानलाई चेतावनी दिँदै अरुलाई के–के भने ?
