विश्व खबर 
काठमाडौं– सरकारले डा.निश्चलनाथ पाण्डेलाई भारतका लागि नेपाली राजदूतमा सिफारिस गरेको छ ।
शुक्रबार बसेको मन्त्रिपरिषद् बैठकले पाण्डेको नाम सिफारिस गरेको हो ।
वैदेशिक नीतिका प्राज्ञिक पाण्डे सेन्टर फर साउथ एसियन स्टडिजका निर्देशक हुन् ।
पाण्डेले यसअघि परराष्ट्र मामला अध्ययन प्रतिष्ठानको कार्यकारी निर्देशक तथा राष्ट्रिय योजना आयोगका सल्लाहकारका रूपमा काम गरेका थिए ।
उनी सत्यनिरूपण तथा मेलमिलाप आयोगका विज्ञ र उच्चस्तरीय परराष्ट्र नीति कार्यदलका सदस्यसमेत भइसकेका छन् ।
उनले त्रिभुवन विश्वविद्यालयबाट राजनीतिशास्त्रमा विद्यावारिधि तथा कानुनमा स्नातक गरेका छन् ।
परराष्ट्र नीति र क्षेत्रीय सहकार्यसम्बन्धी उनका पुस्तक तथा अनुसन्धानमूलक कृति प्रकाशित छन् ।
उनी पूर्वपरराष्ट्रमन्त्री रमेशनाथ पाण्डेका छोरा हुन् ।
उनी राजदूत सिफारिस भएको खबर बाहिरिने बित्तिकै नेपोबेबी हाबी भएको भन्दै चौतर्फी विरोध भएको छ ।
