विश्व खबर 
काठमाडौं— नेपाली बजारमा बुधबार सुनचाँदीको मूल्य घटेको छ। मंगलबार स्थिर रहेको सुनको भाउ बुधबार प्रतितोला २ हजार ७ सय रुपैयाँले घटेको हो।
नेपाल सुनचाँदी व्यवसायी महासंघका अनुसार बुधबार सुन प्रतितोला ३ लाख ४ हजार १ सय रुपैयाँमा कारोबार भइरहेको छ। मंगलबार सुन प्रतितोला ३ लाख ६ हजार ८ सय रुपैयाँमा कारोबार भएको थियो।
त्यस्तै, चाँदीको मूल्य पनि बुधबार घटेको छ। मंगलबार प्रतितोला ४ हजार ७ सय ५५ रुपैयाँमा कारोबार भएको चाँदी बुधबार ४ हजार ५ सय ९५ रुपैयाँमा झरेको छ। चाँदीको मूल्य अघिल्लो दिनको तुलनामा प्रतितोला १ सय ६० रुपैयाँ घटेको हो।
अन्तर्राष्ट्रिय बजारमा बुधबार सुन प्रतिऔंस ४ हजार ३ सय ३८ अमेरिकी डलरमा कारोबार भइरहेको छ।
यससँगै नेपाली बजारमा सुनको मूल्यमा एकैदिन उल्लेख्य गिरावट आएको छ। दशैंतिहार तथा विवाहको मौसम नजिकिँदै जाँदा सुनको मूल्य घटेसँगै उपभोक्तालाई केही राहत पुग्ने देखिएको छ।
