विश्व खबर 
काठमाडौं– नेपाल विद्युत् प्राधिकरणको आर्थिक वर्ष २०८२/८३ मा खुद नाफा ३ अर्ब ८७ करोड रुपैयाँ घटेर ५ अर्ब ४ करोडमा सीमित भएको छ ।
अघिल्लो वर्ष प्राधिकरणले ८ अर्ब ९१ करोड रुपैयाँ नाफा कमाएको थियो ।
प्राधिकरणका अनुसार विदेशी विनिमय दर, ब्याज तथा ह्रासकट्टी खर्च बढ्दा नाफा घटेको हो ।
यद्यपि विद्युत् बिक्रीबाट हुने आम्दानी १८.२० प्रतिशत बढेर १ खर्ब ४८ अर्ब ६२ करोड रुपैयाँ पुगेको छ ।
कार्यसम्पादन सुधार, विद्युत् चुहावट नियन्त्रण र निर्यात वृद्धिका कारण कुल नाफा १३.१७ प्रतिशत बढेर ३१ अर्ब २३ करोड तथा सञ्चालन मुनाफा ७.२८ प्रतिशत बढेर २४ अर्ब ८१ करोड रुपैयाँ पुगेको प्राधिकरणले जनाएको छ ।
पूर्वऊर्जामन्त्री तथा प्राधिकरणका पूर्वकार्यकारी निर्देशक कुलमान घिसिङले नाफा संकुचनबारे गम्भीर समीक्षा र सुधार आवश्यक रहेको बताएका छन् ।
उनले प्राधिकरणलाई कमजोर बनाउने नभई अझ सक्षम, व्यावसायिक, पारदर्शी र जनउत्तरदायी बनाउनुपर्ने बताएका छन् ।
यसअघि कुलमा घिसिङले प्राधिकरण छोड्नुअघि नाफामा थियो ।
रास्वपाले सरकारले प्राधिकरणमा आफ्नो कार्यकर्ता भर्ती गरेपछि घाटामा छ ।
त्यस्तै उर्जामन्त्री विराजभक्त श्रेष्ठको निर्वाचन क्षेत्रमा दैनिक लोडसेडिङ हुने गरेको छ ।
उनको निर्वाचन क्षेत्र काठमाडौं– ८ हो ।
