विश्व खबर 
काठमाडौं– अमेरिकी हमलाको जवाफस्वरूप इरानले आइतबार पश्चिम एसियाका ६ देशमा रहेका अमेरिकी सैन्य अड्डा र रणनीतिक संरचनालाई लक्षित गर्दै मिसाइल तथा ड्रोन हमला गरेको जनाएको छ ।
इरानका अनुसार जोर्डन, कुवेत, कतार, बहराइन, संयुक्त अरब इमिरेट्स (यूएई) र ओमानमा रहेका अमेरिकी सैन्य अड्डाहरू निशानामा परेका हुन् ।
यसअघि अमेरिकाले होर्मुज स्ट्रेटमा इरानी हमलापछि इरानका करिब १४० सैन्य लक्ष्यमा बमबारी गरेको दाबी गरेको थियो ।
बमबारीमा कयौँ अमेरिकी सैन्य मारिएको इरानले दाबी गरेको छ ।
आक्रमणपछि इरानले अर्को आदेश नआएसम्म होर्मुज स्ट्रेट बन्द गर्ने घोषणा गर्दै त्यसको उल्लंघन गरे कारबाही गरिने चेतावनी दिएको छ ।
इरानका सर्वोच्च नेताका सल्लाहकार मोहसिन रेजाईले होर्मुज स्ट्रेटलाई राष्ट्रिय सुरक्षा र रणनीतिक प्रतिरक्षाको महत्त्वपूर्ण साधन भएको बताएका छन् ।
प्रतिक्रिया दिनुहोस्
