विश्व खबर 
काठमाडौं- दुबईबाट तेल अभिभतर्फ उडेको फ्लाई दुबईको विमानमा क्याप्टेनमाथि चक्कु प्रहार गर्ने सहपाइलटको पहिचान खुलेको छ ।
सीएनएन र एबीसी न्युजका अनुसार उनी ओमानी नागरिक हमाम अल–हमामी हुन् ।
यूएईमा ओमानी बुबा र सिरियाली आमाबाट जन्मिएका हमामीले यसअघि ओमान एयर र रोयल एयर मारोकमा काम गरेको बताइएको छ ।
सन् २०२४ मा ओमान एयरमा सहपाइलट प्रशिक्षार्थी हुँदा उनीसँग अतिवादी सामग्री भेटिएको र त्यसपछि उडान तालिमबाट हटाएर प्रशासनिक जिम्मेवारी दिइएको अधिकारीहरूले बताएका छन् ।
गत सेप्टेम्बर ३० मा दुबईबाट तेल अभिभ जाँदै गरेको विमानमा उनले क्याप्टेन स्मित मच्छरमाथि चक्कु प्रहार गरेका थिए ।
त्यसपछि विमान साउदी अरबमा अवतरण गरिएको थियो ।
घाइते क्याप्टेन स्मित उपचारपछि यूएई फर्किसकेका छन् ।
फ्लाई दुबईले भने घटनामा संलग्न सहपाइलटबारे अहिलेसम्म औपचारिक विवरण सार्वजनिक गरेको छैन ।
घटनाको थप अनुसन्धान भइरहेको छ ।
