विश्व खबर 
काठमाडौं- भोलिदेखि नेपालमा मौसमी प्रणाली पुनः सक्रिय हुने भएको छ ।
मौसमविद् विनोद पोखरेलका अनुसार कमजोर पश्चिमी वायुको प्रभावसँगै न्यूनचापीय रेखा बन्ने सम्भावना रहेकाले आगामी एक साता वर्षा जारी रहन सक्छ ।
आइतबारदेखि वर्षा बढ्दै सोमबार र मंगलबार धेरै स्थानमा फैलिने तथा केही ठाउँमा छोटो समय भारी वर्षा हुन सक्ने अनुमान छ ।
त्यसपछि बुधबार वर्षा केही कम हुने र बिहीबार पहाडी क्षेत्रमा पुनः हल्का वर्षा हुन सक्ने जनाइएको छ ।
वर्षाको प्रभाव विशेषगरी धान काट्ने तयारीमा रहेका किसान तथा पहाडी–हिमाली क्षेत्रमा हाइकिङ र ट्रेकिङ गर्नेहरूलाई पर्न सक्ने भएकाले स्थानीय पूर्वानुमान हेरेर आवश्यक तयारी गर्न मौसमविद्ले सुझाव दिएका छन् ।
प्रतिक्रिया दिनुहोस्
