विश्व खबर 
काठमाडौं– जिल्ला अदालत काठमाडौंले नक्कली भुटानी शरणार्थी प्रकरणमा १५ जनालाई दोषी ठहर गरेपछि धरौटीमा छुटेर बाहिर रहेका दोषीहरूमाथि प्रहरीले निगरानी कडा बनाएको छ ।
प्रहरी स्रोतका अनुसार पूर्वगृहमन्त्री बालकृष्ण खाँण, नरेन्द्र केसी, हरिभक्त महर्जन, शमशेर मियाँ र टेकनाथ रिजालमाथि विशेष निगरानी राखिएको छ ।
उनीहरू फैसला पछि फरार हुन सक्ने आशंकामा प्रहरी सक्रिय भएको हो ।
नेपाल प्रहरीका प्रवक्ता डीआईजी अभिनारायण काफ्लेले अदालतको पूर्ण फैसला प्राप्त भएपछि कानुनअनुसार आवश्यक प्रक्रिया अघि बढाइने बताएका छन् ।
जिल्ला अदालत काठमाडौंले मंगलबार उक्त प्रकरणमा १५ जनालाई दोषी र ७ जनालाई निर्दोष ठहर गरेको हो ।
दोषीहरूको सजाय निर्धारणका लागि असार २९ गते अर्को इजलास तोकिएको छ ।
प्रतिक्रिया दिनुहोस्
