विश्व खबर 
काठमाडौं– इरानका सर्वोच्च नेता अयातोल्लाह अली खामेनीका निजी चिकित्सकले उनको स्वास्थ्य अवस्थाबारे फैलिएको हल्लालाई अस्वीकार गरेका छन् ।
डाक्टर मोहम्मद मरान्दीले एक कार्यक्रममा सोधिएको प्रश्नको जवाफ दिँदै खामेनी कुनै गम्भीर रोगबाट पीडित नरहेको स्पष्ट पारेका हुन् ।
कार्यक्रममा उनलाई सोधिएको थियो, ‘के खामेनी गम्भीर रोगसँग जुधिरहेका थिए ? उनी बम विस्फोटमा नमरेको भए पनि बाँच्न सक्थे ।’
यसको जवाफमा मरान्दीले खामेनीलाई कुनै गम्भीर रोग नभएको र उनलाई ‘कहिल्यै क्यान्सर समेत नभएको’ बताएका छन् ।
उनले खामेनीको स्वास्थ्य अवस्था अन्तिम समयसम्म सामान्य रहेको उल्लेख गर्दै आफूले नियमित रूपमा, हप्तामा एकपटक, स्वास्थ्य परीक्षण गर्ने गरेको पनि जानकारी दिए ।
यद्यपि, उनले उमेरसँगै मानिस स्वाभाविक रूपमा कमजोर बन्दै जाने कुरा स्वीकार गरेका छन् ।
उल्लेखनीय छ, इरानका सर्वोच्च नेता खामेनी दुई महिनाअघि अमेरिका र इजरायलको संयुक्त हमलामा मारिएको दाबी गरिएको छ ।
