विश्व खबर 
काठमाडौं– महालक्ष्मी विकास बैंकले महालक्ष्मी क्यालेन्डर २०८३ को डिजिटल संस्करण सार्वजनिक गरेको छ ।
बैंकको केन्द्रीय कार्यालय, दरबारमार्गमा आयोजित एक विशेष कार्यक्रमबीच परम्परागत क्यालेन्डरलाई आधुनिक प्रविधिसँग समायोजन गर्दै डिजिटल संस्करण सार्वजनिक गरिएको हो ।
डिजिटल क्यालेन्डरमा प्रमुख चाडपर्व, तिथि, विदा, शुभ साइत साथै विक्रम संवत, नेपाल संवत र अंग्रेजी संवतका मितिहरु समेत समावेश गरिएको छ ।
बैंकले जनाएको छ कि नयाँ डिजिटल संस्करण प्रयोगकर्ताका लागि अझ सहज र उपयोगी हुने मात्र नभई नेपाली संस्कृतिको संरक्षण र निरन्तरता प्रदान गर्नमा पनि सहयोगी साबित हुनेछ ।
महालक्ष्मी डिजिटल क्यालेन्डर २०८३ को प्रयोग QR को माध्यमबाट हेर्न वा डाउनलोड गर्न सकिनेछ ।
सबल बैंक, सफल सहकार्य”को नारासँगै, विगत ३१ वर्षदेखि नेपाली जनताको घरदैलोमा गुणस्तरीय वित्तीय सेवा प्रदान गर्दै आएको छ ।
बैंकको देशभर १०३ शाखा कार्यालय छन् र करिब ८ लाख ५० हजारभन्दा बढी ग्राहक छन् ।
