विश्व खबर 
काठमाडौं– अमेरिकी उपराष्ट्रपति जेडी भान्स आफ्नी हिन्दु पत्नी उषा भान्सले आफ्नो धर्म त्यागेर इसाई बन्ने इच्छा व्यक्त गरेपछि तीव्र आलोचनाको केन्द्रमा परेका छन् ।
भान्सले यो टिप्पणी मिसिसिपीस्थित विश्वविद्यालयमा आयोजित एक कार्यक्रममा गरेका हुन्, जुन इसाई रूढिवादी कार्यकर्ता चार्ली कर्कद्वारा स्थापना गरिएको समूह ‘टर्निङ पोइन्ट यूएसए’ले आयोजना गरेको थियो ।
कार्यक्रमका क्रममा एक विद्यार्थीले उषाको धार्मिक पृष्ठभूमिबारे सोधेको प्रश्नको उत्तर दिँदै उनले उक्त टिप्पणी गरेका थिए ।
भान्सका अनुसार, उनकी पत्नी खासै धार्मिक नभएको हिन्दु परिवारमा हुर्केकी थिइन् ।
उनले आफ्नो परिवारमा धार्मिक विषयमा सधैँ खुला संवाद हुने गरेको र उनीहरूका दुई सन्तान इसाई विद्यालयमा पढिरहेका बताएका थिए ।
भान्सले उनकी पत्नी चर्चमा जाने गरेको र क्याथोलिक धर्ममा रूपान्तरण हुन सक्ने बताएका थिए ।
