काठमाडौं– पतञ्जलि योगपीठको जग्गा हिनामिना प्रकरणमा नेकपा (एकीकृत समाजवादी) अध्यक्ष माधवकुमार नेपालसहित ९३ जनामाथि दायर भ्रष्टाचार मुद्दाको सुनुवाइका लागि विशेष अदालतले पेसी तोकेको छ ।
न्यायाधीश नारायणप्रसाद पौडेल र हेमन्त रावलको इजलासमा मुद्दा सुनुवाइ हुनेछ ।
अख्तियार दुरुपयोग अनुसन्धान आयोगले गत जेठ २२ गते नेपाललगायतलाई प्रतिवादी बनाउँदै १८ करोड ५८ लाख ५० हजार रुपैयाँ बिगो र जरिवाना माग गर्दै मुद्दा दायर गरेको थियो ।
तत्कालीन प्रधानमन्त्रीका रूपमा नेपालले पतञ्जलिलाई हदबन्दीभन्दा बढी जग्गा बिक्री र सट्टापट्टाको स्वीकृति दिई सरकारी सम्पत्ति दुरुपयोग गरेको आरोप अख्तियारले लगाएको छ ।
२०६६ फागुन ६ गतेको मन्त्रिपरिषद् बैठक र माघ १८ गतेको ठाडो आदेशमार्फत ३१४ रोपनी १५ आना २ पैसा १ दाम जग्गा गैरकानुनी रूपमा हस्तान्तरण भएको दाबी अभियोगपत्रमा गरिएको छ ।
प्रतिक्रिया दिनुहोस्























