विश्व खबर 
काठमाडौं– केन्यामा यात्रुवाहक सानो विमान राष्ट्रिय निकुञ्जनजिक दुर्घटना हुँदा १२ जनाको मृत्यु भएको छ ।
सानो यात्रुवाहक विमान पर्यटकीय केन्द्र डियानीबाट मासाईमारा राष्ट्रिय निकुञ्जभित्र रहेको एक निजी हवाई पट्टी किचवा टेम्बोतर्फ जाँदै गर्दा स्थानीय समयअनुसार बिहान करिब ५:३० बजे खसेको हो ।
केन्या सिभिल एभिएसन अथोरिटीद्वारा जारी एक विज्ञप्तिमा भनिएको छ, “विमानमा १२ जना व्यक्ति सवार थिए ।”
विज्ञप्तिमा थप विवरण दिइएको छैन, तर दुर्घटनाको कारण पत्ता लगाउन सरकारी एजेन्सीहरू घटनास्थलमा पुगिसकेको जनाइएको छ ।
द गार्जियनका अनुसार, नैरोबी राष्ट्रिय निकुञ्जमा आकाशमा ठोक्किने घटना पछिल्लो १८ महिनामा सामान्य भएका छन् ।
मार्च ५, २०२४ मा नैरोबी राष्ट्रिय निकुञ्जमा सफारीलिंक एभिएसनको व्यावसायिक उडान र एक ९९ फ्लाइङ स्कुलको तालिम विमानबीच आकाशमा ठोक्किएको थियो, जसका कारण दुईजनाको मृत्यु भएको थियो ।
त्यो घटना दुवै विमानले विल्सन एयरपोर्टबाट उडान भरेको केही समयपछि भएको थियो ।
उक्त घटनामा ३९ यात्रु र पाँच चालक दलका सदस्य बोकेको डे ह्याभिल्यान्ड क्यानडा ड्यास ८ विमान र ९९ फ्लाइङ स्कुलको सेसना १७२ एम विमान थिए ।
प्रतिक्रिया दिनुहोस्