विश्व खबर 
हिमालय एयरलाइन्सले पोखरा अन्तर्राष्ट्रिय विमानस्थलबाट नियमित उडान सुरू गरेको छ। एयरलाइन्सले सोमबारदेखि पोखरा–ल्हासा अन्तर्राष्ट्रिय उडान सुरू गरेको हो।
यससँगै हिमालय पोखरामा नियमित अन्तर्राष्ट्रिय उडान थाल्ने पहिलो वायुसेवा कम्पनी बनेको छ। यो जहाज मंगलबार बिहान ८ः२० बजे ल्हासाका लागि उड्नेछ। हिमालय एयरलाइन्सको जहाज अब हरेक सोमबार ल्हासाबाट पोखरा आउनेछ र मंगलबार पोखराबाट ल्हासाका लागि उड्ने तालिका रहेको छ। यात्रु संख्या बढेसँगै यसलाई विस्तार गरिने कम्पनीको भनाइ छ।
पोखरा अन्तर्राष्ट्रिय विमानस्थल सञ्चालनको करिब २ वर्षपछि नियमित अन्तर्राष्ट्रिय उडान सुरु भएकोमा खुसी व्यक्त गर्दै उनले यसले पोखरा अन्तर्राष्ट्रिय बजारसँग सिधा जोडिने पनि बताए। पोखरा एयरपोर्टबाट हिमालय एयरलाइन्ससँगै चिनियाँ वायुसेवा सिचुवान एयरलाइन्सले पनि सातामा एउटा चार्टर उडान गरिरहेको छ। पोखराबाट हुने दोस्रो चार्डर उडान मंगलबार दिउसो हुनेछ।
