विश्व खबर 
काठमाडौं – कतार एयरवेजको वाइडबडी जहाँज भैरहवास्थित गौतम बुद्ध अन्तर्राष्ट्रिय विमानस्थलमा अवतरण गरेको छ ।
यो सँगै कात्तिक २७ गते मंगलबारदेखि कतार एयरवेजले गौतमबुद्ध अन्तर्राष्ट्रिय विमानस्थलमा नियमित उडान सुरु गरेको छ ।
भैरहवामा अवतरण भएको कतार एयरको जहाज कतारको राजधानी दोहाबाट भैरहवा आएको हो ।
विमानस्थलका महाप्रबन्धक प्रतापबाबु तिवारीका अनुसार यो जहाजमा ३३ जना यात्रु आएकोमा एक जना भैरहवा र ३२ जना काठमाडौंमा झरेका छन् ।
योसँगै कतार एयरवेजले दोहा-भैरहवा-काठमाडौं रुटमा दैनिक उडान सुरुवात गरेको हो ।
यस अघि थाइ एयर एसिया, जिजरा, फ्लाइ दुबई र नेपाल एयरलाइन्सले भैरहवाबाट उडान सुरु गरिसकेका छन् ।
प्रतिक्रिया दिनुहोस्