विश्व खबर 
काठमाडौं – साताको अन्तिम कारोबार दिन बिहीबार प्रि–ओपन सेसनमा नेपाल स्टक एक्सचेन्ज (नेप्से) परिसूचक सामान्य अंकले घटेको छ ।
प्रि–ओपन सेसनमा नेप्से परिसूचक १.३४ अंकले घटेर २ हजार ५९७.५५ विन्दुमा झरेको हो । अघिल्लो कारोबार दिन बुधबार नेप्से ४.८२ अंकले घटेर २ हजार ५९८.८९ विन्दुमा बन्द भएको थियो ।
यस दिन प्रि–ओपन सेसनमा संवेदनशील परिसूचक पनि ०.०४ अंकले घटेको छ ।
बिहीबारको प्रि–ओपन सेसनमा ५२ वटा कम्पनीका शेयर कारोबार भएका छन् । यस क्रममा १७१ पटकको कारोबारबाट ५५ हजार ५७३ कित्ता शेयर ५ करोड १६ लाख ३४ हजार ५९ रुपैयाँ ९० पैसामा खरिदबिक्री भएको छ ।
कारोबारमा आएका ५२ कम्पनीमध्ये १६ वटा कम्पनीको शेयर मूल्य बढेको छ भने २९ वटा कम्पनीको शेयर मूल्य घटेको छ । बाँकी ७ कम्पनीको शेयर मूल्य भने स्थिर रहेको छ ।
प्रि–ओपन सेसनमा देखिएको सामान्य गिरावटसँगै बिहीबारको नियमित कारोबार सुरु भएको छ ।
