विश्व खबर 
काठमाडौं- सेयर बजारको घट्ने क्रमले निरन्तरता पाएको छ। साताको पहिलो कारोबार दिन आज नेप्से २०.५४ अंकले घटेर १९९३.३८ बिन्दुमा झरेको छ ।
बजारसँगै कारोबार पनि निकै घटेको छ। आज दिनभरमा २८० धितोपत्रको ३८ लाख ९५ हजार २३६ कित्ता सेयर एक अर्ब २६ करोड २७ लाख ६७ हजार ८७६ रुपैयाँमा कारोबार भएको छ । जुन पछिल्लो करिब ३ महिना यताकै न्यून कारोबार हो ।
आज सेन्सेटिभ इन्डेक्स पनि ०.८९ प्रतिशतले घटेर ३८२.१ को बिन्दुमा झरेको छ ।
आज १३ वटा उपसमूहमध्ये म्युचअल फन्ड उपसमूहको मात्र समूहगत सूचक बढेको छ । आज उक्त उपसमूहको समूहगत सूचक ०.२४ प्रतिशतले बढेको छ । १२ वटा उपसमूहको समूहगत सूचक घटेको छ ।
आज कुथेली बुखारी स्माल हाइड्रोपावर कम्पनीको सेयर मूल्य सर्वाधिक १० प्रतिशतले बढेर सकारात्मक सर्किट लागेको छ । मकर जितुमाया सुरी हाइड्रोपावरको सेयर मूल्य सर्वाधिक ९.६३ प्रतिशतले घटेको छ ।
