विश्व खबर 
काठमाडौं । निर्वाचन आयोगले मतदाता परिचयपत्र वितरण सुरु गरेको छ ।
देशभरका मतदान केन्द्रहरूबाट आयोगले परिचयपत्र बाँड्न थालेको हो । परिचयपत्र वितरण कार्यालय समयसम्म जारी रहने छ ।
राजधानीसहित देशैभरका मतदान केन्द्रमा परिचयपत्र लिनेहरूको भीड लागेको छ ।
पहिलो पटक मतदाता नामावलीमा नाम दर्ता गराएका मतदाता र परिचय पत्र हराएको भन्दै सम्बन्धित जिल्ला निर्वाचन कार्यालयमा निवेदन दिएका मतदातालाई परिचय पत्र दिइएको हो ।
तर, मतदाता नामावलीमा नाम भएका मतदाताले आफ्नो परिचय खुल्ने जुनसुकै कागजात देखाएर मत दिन पाउने पनि निर्वाचन आयोगले जनाएको छ ।
मतदाता परिचयपत्र वितरणसँगै मत दिने तरिका पनि सिकाइरहेको पनि आयोगले गरेको छ ।
प्रतिक्रिया दिनुहोस्
