२९ जेष्ठ २०७८, शनिबार   |  June 12, 2021
advertisement of bishwo khabr
Tika Gurung

काठमाडौं उपत्यकामा निषेधाज्ञा जेठ २० सम्म थपियो ,तरकारी र खाद्यान्न पसल बिहान ९ बजेसम्म खुल्न पाउने

काठमाडौं उपत्यकामा निषेधाज्ञा जेठ २० सम्म थपियो ,तरकारी र खाद्यान्न पसल बिहान ९ बजेसम्म खुल्न पाउने


काठमाडौं । कोरोनाभाइरस संक्रमण रोकथामका लागि काठमाडौं उपत्यकामा जारी गरिएको निषेधाज्ञा अवधि थप एकसाता लम्बिएको छ ।

मंगलबार उपत्यकाका काठमाडौं, भक्तपुर र ललितपुरका प्रमुख जिल्ला अधिकारीहरुले निषेधाज्ञा जेठ २० गते मध्यरातसम्म कायम रहने निर्णय गरेका हुन् ।

उपत्यकामा गएको वैशाख १६ गतेबाट निरन्तर निषेधाज्ञा जारी छ ।भाइरस संक्रमण नघटेको र आवागमन पनि कायमै रहेको निष्कर्ष निकाल्दै निषेधाज्ञा थप गरिएको काठमाडौंका प्रमुख जिल्ला अधिकारी कालीप्रसाद पराजुलीले बताए।

मंगलबार बसेको उपत्यकाका तीनैवटा सीडीओहरुको भर्चुअल बैठकले तरकारी र खाद्यान्न पसलहरु बिहान ९ बजेसम्म मात्र खुल्न दिने निर्णय गरेको हो ।

पसलहरुबाट भाइरस संक्रमणको जोखिम बढेको निष्कर्ष निकाल्दै जिल्ला प्रशासनहरुले पसल खुल्ने अवधि घटाएका हुन् । ललितपुरका प्रमुख जिल्ला अधिकारी ढुण्डीप्रसाद निरौलाले सामाजिक दूरी कायम गर्दै पसल ९ बजेसम्म खुलाउन अनुमति दिने बताए ।

प्रशासनका यी निर्णय १४ गतेदेखि कार्यान्वयनमा जनाइएको छ ।मंगलबार उपत्यकाका काठमाडौं, भक्तपुर र ललितपुरका प्रमुख जिल्ला अधिकारीहरुले निषेधाज्ञा जेठ २० गते मध्यरातसम्म कायम रहने निर्णय गरेका हुन् ।

उपत्यकामा जारी निषेधाज्ञालाई थप कडाइ गर्ने निष्कर्षमा तीनैवटा सीडीओहरु पुगेका छन् ।

Leave a Reply

Your email address will not be published. Required fields are marked *

175947743 636850780512448 4985046120171052420 n