कुन कुन फोनमा चल्छ टेलिकमको भीओएलटीई ?

विश्व खबर
५ जेष्ठ २०७८

काठमाडाैं । नेपाली बजारमा थरीथरीका फोन बोक्ने मानिसहरु छन् । स्मार्टफोन ब्राण्ड र तीनका मोडल धेरै भएपनि नेपाल टेलिकमले हालै सुरुवात गरेको भ्वाइस ओभर एलटीई (भीओएलटीई) सेवा सपोर्ट गर्ने ह्याण्डसेट भने सीमित संख्यामा छन् ।

टेलिकमले उपलब्ध गराएकाे सुचीअनुसार हाल सामसङका ३१ ओटा मोडलमा टेलिकमको यो सेवा प्रयोग गर्न सकिन्छ । त्यस्तै साओमीका ४ ओटा मोडलले मात्र भीओएलटीई सेवा सपोर्ट गरेका छन् । अर्को कम्पनी नोकियाका ३ ओटा फोनमा यो सेवा चलाउन सकिन्छ ।

यो सूचीबाहेक अन्य केही सेटहरूमा पनि भीओएलटीई सेवा इनेबल हुन थालेको छ । तर अहिलेका लागि अधिकांश प्रयोगकर्ता टेलिकमको याे नयाँ सेवाबाट वञ्चित हुन पुगेका छन् । फोन निर्माता कम्पनीहरुले भीओएलटीईका लागि अपडेट नल्याउँदा प्रयोगकर्तामा निराशा छाएको छ ।

नेपाली बजारमा सामसङ, साओमी, एप्पल, भिभाे, ओप्पो, रियलमी, वानप्लस, नोकिया, ह्वावेलगायतका सेट बोक्ने प्रयोगकर्ता बढी छन् । यीमध्ये अधिकांशले यो सेवा प्रयोग गर्न पाएका छैनन् ।

सेवा सञ्चालन नभइसकेको भएर पनि कतिपय मोबाइल निर्माता कम्पनीले यसप्रति चासो देखाएका थिएनन्। अब सेवा सञ्चालनमा आएसँगै मोबाइल निर्माता कम्पनीहरुलाई ग्राहकबाट समेत यो सेवा एक्टिभ गर्न दबाब आउन थालेकाे छ ।

आशा गरौं, निकट भविष्यकमै फाेन निर्माता कम्पनीले आफ्ना फोरजी सेटमा यो फिचर अपग्रेड गर्नेछन् ।

यी मोबाइल सेटमा चल्छ टेलिकमको भीओएलटीई