विश्व खबर 
काठमाडौं– नेपाल प्रिमियर लिग (एनपीएल) को तेस्रो संस्करणअन्तर्गत बिहीबार भएको पहिलो खेलमा लुम्बिनी लायन्सले जनकपुर बोल्ट्सलाई १५० रनको लक्ष्य दिएको छ ।
टस हारेर पहिले ब्याटिङमा ओर्लिएको लुम्बिनीले निर्धारित २० ओभरमा ८ विकेटको क्षतिमा १४९ रन बनाउन सक्यो । लुम्बिनीका लागि सबैभन्दा धेरै कप्तान रोहित पौडेलले ३४ रन बनाए ।
त्यस्तै निरेशन डिक्वेलाले २७, आशिफ शेख र दिलीपनाथले समान २१-२१ रनको योगदान दिए । रुबेन ट्रम्पलम्यानले १५, शमिम हुसेनले १३ रनको योगदान दिए ।
इनिङ्सको पहिलो बलमै ओपनर डार्सी सर्टलाई ललित राजवंशीले राहुल यादवमार्फत क्याच आउट गराउँदै गोल्डेन डकमा पेभेलियन फर्काएका थिए ।
त्यस्तै विशाल सुशलिङ र राहुल यादवले समान दुई–दुई र हरमित सिंह तथा अभिषेक तिवारीले एकएक विकेट लिए ।
प्रतिक्रिया दिनुहोस्
