विश्व खबर 
काठमाडौं – छिमेक लघुवित्त वित्तीय संस्था लिमिटेडले गत आर्थिक वर्षको मुनाफाबाट सेयरधनीलाई २५ प्रतिशत लाभांश वितरण गर्ने घोषणा गरेको छ ।
कम्पनीले हाल कायम चुक्ता पुँजीको ११.९६३१ प्रतिशत बोनस सेयर र कर प्रयोजनसहित १३.०३६९ प्रतिशत नगद लाभांश वितरण गर्ने प्रस्ताव गरेको हो ।
कात्तिक १८ गते बसेको संस्थाको सञ्चालक समिति बैठकले उक्त लाभांश वितरण गर्ने निर्णय गरेको हो ।
प्रस्तावित लाभांशमध्ये बोनस सेयर र नगद लाभांशको कुल अनुपात २५ प्रतिशत रहेको छ ।
लघुवित्तको प्रस्तावित लाभांश नेपाल राष्ट्र बैंकबाट स्वीकृत हुनुपर्नेछ। राष्ट्र बैंकको स्वीकृतिपछि आगामी वार्षिक साधारणसभाले पारित गरेमा सेयरधनीले उक्त लाभांश प्राप्त गर्नेछन् ।
यससँगै छिमेक लघुवित्तका सेयरधनीले बोनस सेयरमार्फत आफ्नो सेयर संख्या बढाउनुका साथै नगद लाभांशसमेत प्राप्त गर्नेछन् ।
प्रतिक्रिया दिनुहोस्
