विश्व खबर 
काठमाडौं– नेपाली कांग्रेसको १५औं महाधिवेशनअन्तर्गत सानेपामा मतगणना जारी छ ।
जसअनुसार उपसभापति खुलातर्फ डा.चन्द्रकान्त भण्डारी, महामन्त्री खुलातर्फ प्रदीप पौडेल, महिला महामन्त्रीतर्फ डा.डिला संग्रौला र समावेशी उपसभापतितर्फ विनोदकुमार चौधरी अगाडि छन् ।
१ हजार ३३० मत गणना हुँदा ५ बदर र १ हजार ३२५ सदर भएका छन् ।
उपसभापति खुलातर्फ भण्डारीले ६७९ मत पाएका छन् ।
मधु आचार्य ३९३, गोविन्द भट्टराई ३४५ र सुरेन्द्रराज पाण्डे ३३७ मतसहित पछ्याइरहेका छन् । यहाँ दुई जना निर्वाचित हुनेछन् ।
समावेशी उपसभापतितर्फ चौधरी ३८२ मतसहित अगाडि छन् ।
जीवन परियार ३३०, फरमुल्लाह मंसुर १९०, सीता गुरुङ १७० र रञ्जित कर्ण १०७ मतमा छन् ।
एक जना निर्वाचित हुनेछन् ।
महामन्त्री खुलातर्फ पौडेल ७८८ मतसहित अगाडि छन् ।
अमरसिंह पुन मगर ४७८ र उदयशमशेर राणा ४५६ मतमा छन् ।
दुई पदका लागि निर्वाचन भएको थियो ।
महिला महामन्त्रीतर्फ डा.डिला संग्रौलाले ५८३ मत पाउँदा महालक्ष्मी उपाध्याय ५५७ र रीता खनाल १५३ मतमा छिन् ।
एक जना निर्वाचित हुनेछिन् ।
