विश्व खबर 
काठमाडौं– नेपाली कांग्रेसले आगामी महाधिवेशनबाट पार्टीको नयाँ नेतृत्व सर्वसम्मत रूपमा चयन गर्ने प्रयास थालेको छ ।
पार्टी प्रवक्ता देवराज चालिसेका अनुसार सभापति गगन थापा समूहको नेतृत्वलाई अहिलेसम्म कुनै पक्षबाट चुनौती आएको छैन ।
उनले नेतृत्व चयनमा सहमति र एकताको वातावरण बनाउन पार्टी सक्रिय रहेको बताए ।
चालिसेले सम्भव भएसम्म सर्वसम्मत नेतृत्व चयन गर्ने र सहमति हुन नसके लोकतान्त्रिक निर्वाचन प्रक्रियाबाट नेतृत्व चयन गरिने बताए ।
गगनले सर्वसम्मतिको नाउमा आफू सभापतिमा निर्विरोध र अन्य पदाधिकारीमा सेटिङ मिलाएर अनुकूल कांग्रेस बनाउन लागेको भन्दै समूहभित्रैबाट विरोध भइरहेको छ ।
उनलाई एमाले अध्यक्ष केपी शर्मा ओली र नेकपा संयोजक प्रचण्डकै शैलीमा महाधिवेशन गर्न लागेको आरोप लगाएका छन् ।
ओली–प्रचण्डले महाधिवेशनको नाउमा आफू र आफ्नो गुट हाबी गर्दै आएका छन् ।
प्रतिक्रिया दिनुहोस्
