विश्व खबर 
मकवानपुर– मकवानपुरको जुरीलीबजार क्षेत्रमा लाल बकैया खोलामा पानीको सतह बढ्दै गएपछि बाढीको उच्च जोखिम देखिएको छ ।
बाढी पूर्वानुमान महाशाखाका अनुसार आज बिहान ६:२० बजे लाल बकैया खोलाको पानीको सतह बढेर खतराको तह नजिक पुगेको हो ।
खोलाको जलसतह अझै बढ्न सक्ने सम्भावनालाई ध्यानमा राख्दै आसपासका तथा डुबान प्रभावित क्षेत्रका बासिन्दालाई आज साँझसम्म उच्च सतर्कता अपनाउन आग्रह गरिएको छ ।
महाशाखाले खोला आसपासका बस्ती तथा तल्लो भू–भागमा बसोबास गर्ने नागरिकलाई अनावश्यक रूपमा खोला तथा नदी किनारमा नजान र सम्भावित डुबानबाट सुरक्षित रहन आग्रह गरेको छ ।
सम्भावित जोखिमलाई मध्यनजर गर्दै स्थानीय प्रशासन तथा सम्बन्धित निकायले आवश्यक सतर्कता र पूर्वतयारी अपनाउनसमेत अनुरोध गरिएको छ ।
प्रतिक्रिया दिनुहोस्
